Presidenti rus Vladimir Putin e ka falur një shtetase amerikano-izraelite, e cila u arrestua nën akuzat për trafik droge, vitin e kaluar.
Naama Issachar, 26 vjeç, u arrestua në Moskë në prill të 2019-s, pasi më shumë se nëntë gramë marihuanë u gjetën në bagazhin e saj, transmeton KTV. Ajo u dënua më vonë me më shumë se shtatë vjet burgim.
Kryeministrin izraelit Benjamin Netanyahu falënderoi Putinin për vendimin për faljen e shtetases izraelite.
Çështja e saj mori vëmendje të gjerë në Izrael, me mediat lokale që e akuzuan Moskën se e përdori atë për të bërë presion ndaj Izraelit sa i përket një hakeri rus të burgosur, ekstradimi i të cilit u kërkua nga SHBA-ja dhe Rusia. Hakeri, Aleksey Burkov, u ekstradua në SHBA në nëntor.