Ka së paku nja gjashtë dekada që Shatërvani gjëllin veç në kujtesën e qytetarëve të moçëm a në ndonjë foto të kahershme. E bashkë me të edhe qendra e vjetër e qytetit të Rahovecit, prej së cilës pak ka mbetur.
Por autoritetet komunale ia kanë mësyrë që t’ia rikthejnë pamjen e dikurshme. Hapat e parë tashmë janë hedhur me projektin për ta jetësuar këtë nismë.
Pjesa juglindore e këtij qyteti do të bëhet njashtu siç ka qenë e Komuna ka hartuar projektin e hollësishëm rregullues. Është pagëzuar “Qendra e vjetër e qytetit”.
Ideja është që të ruhen themelet e vjetra të qytetit, pjesë e trashëgimisë kulturore. Disa nga objektet e rrënuara me apo pa qëllim do të rikthehen ku kanë qenë./KD/