Zyra e kryetarit të Komunës së Prizrenit prej vitesh i referohet ndërtesës së Kuvendit Komunal si “Shtëpia e bardhë”, ndërkohë që hapësira ku i zhvillon takimet Ramadan Muja së fundmi emërtohet si “Zyra ovale”, që përbën një analogji të pastër me Rezidencën zyrtare dhe vendin e punës së presidentit të Shteteve të Bashkuara të Amerikës, shkruan Koha Ditore.
Bashkëpunëtorët e kryetarit të Prizrenit e pranojnë se lidershipi komunal i përdor këto emërtime për shkak të frymëzimit dhe vlerave që përfaqëson Rezidenca presidenciale e SHBA-së.
“Komuna konsideron se shtëpia ku merren vendimet që e ngrenë cilësinë e jetesës së gjithë qytetarëve me vendimmarrje demokratike, transparente, llogaridhënëse vërtet është “Shtëpi e bardhë” për atë target të qytetarëve që i atakon një vendim i marrë në dobi të tyre.