Kryetari i Komunës së Prizrenit, Ramadan Muja, uron të gjithë qytetarët e Komunës së Prizrenit, me rastin e festes së Flamurit Kombëtar Shqiptar- 28 Nëntorin.
“Kjo festë është mundësi e shkëlqyer për të reflektuar me kujdes dhe qetësi rrugëtimin e gjeneratave të shumta, sakrificën sublime kombëtare, sakrificën jetësore të heronjve dhe dëshmoreve të kombit për shtetin tonë, Republikën e Kosovës”, thuhet në urimin e Mujës.
“Komuna do angazhohet pareshtur që të punojë së bashku me qytetarët drejt arritjeve të synimeve të përbashkëta qytetare e kombëtare: konsolidimin e shtetit tonë, demokracinë si vlerë e proceseve politike dhe integrimin në Bashkimin Evropian, OKB-ë dhe NATO”.