Ish-deputeti i Kuvendit të Kosovës, Eqrem Kryeziu, ka reaguar ndaj iniciativës së presidentit të vendit, Hashim Thaçi rreth Projektligjit për FSK-në që parasheh formimin e ushtrisë së Kosovës.
Kryeziu në llogarinë e vet në “Facebook” ka shkruar se kur ambasadori amerikan kërkon shansin të ndërmjetësojë, atë shans duhet që bartësit tanë të institucioneve t’ia japin pa hamendje. “Kjo nuk mund të merret për disfatë të projektit të tyre të ligjshëm për ta bërë vendin me Ushtri”, ka shkruar Kryeziu.
Postimi i plotë i Eqrem Kryeziut:
Ushtria e Republikës
Reagimet, edhe ky imi, për çështje të ndjeshme siç është Ushtria e Kosovës, rrezikojnë ta huqin të vërtetën, duke qenë se nuk dihet se ç’fshihet nën rrogoz. Të jemi të sigurt se për punë të mëdha ka shumë rrjedha të nëndheshme.
Mirëpo kur Ambasadori amerikan kërkon shansin të ndërmjetësojë, atë shans duhet që bartësit tanë të institucioneve t’ia japin pa hamendje. Kjo nuk mund të merret për disfatë të projektit të tyre të ligjshëm për ta bërë vendin me Ushtri.