Kancelari Ipeshkvisë së Kosovës Don Shan Zefi ka komentuar rreth marshit kundër homofobisë që u mbajt të shtunën në Prishtinë. Ai ka thënë se homoseksualizmi është sëmundje dhe se përpjekjet për ta legalizuar janë mëkate kundër Zotit.
Don Shan Zefi Kancelar i Ipeshkvisë së Kosovës ka thënë për Klan Kosovën se nga pikëpamjet e Biblës homoseksualizmi është mëkat i rëndë sepse ai kundërshton Zotin dhe ligjin e natyrës, transmeton Express.
Kjo sëmundje e natyrës morale, siç tha ai, nuk mundet me asnjë ligj të aprovohet sepse ligjet kundër natyrës sipas tij, nuk janë të vlefshme në shoqëri.
“Kisha Katolike e kupton një sëmundje të tillë apo personin por e dënon mëkatin prandaj përpjekjet për ta legalizuar homoseksualizimin apo martesat e gjinisë së njëjtë do të mbeten gjithnjë mëkate kundër Zotit”, ka thënë Zefi.