Komuniteti Shqiptaro-Amerikan nderoi diplomatin amerikan, Philip Reeker me çmimin ‘Duart e shpresës’ për ndihmën e dhënë popullit të Kosovës. Në një mbrëmje të organizuar nga Këshilli Kombëtar Shqiptaro-Amerikan në New York, ishin të pranishëm Kryeministri i Kosovës, Hashim Thaçi, Presidenti i Shqipërisë, Bujar Nishani, Kryeministri i Shqipërisë, Edi Rama, si dhe ministra të Qeverisë së Kosovës, të Shqipërisë dhe të Maqedonisë.
Diplomati Reeker mori çmimin ‘Duart e Shpresës’, i cili u jepet çdo vit nga Këshilli Kombëtar Shqiptaro-Amerikan personaliteteve që kanë dhënë ndihmesë të veçantë në çështjet shqiptare., transmeton RTK.
Kryeministri i Kosovës, Hashim Thaçi premtoi një të ardhme të përbashkët të popullit shqiptar dhe çmoi miqësinë me Shtetet e Bashkuara.
Para të pranishmeve foli edhe Presidenti i Shqipërisë, Bujar Nishani, dh Kryeministri i Shqipërisë, Edi Rama.
I pranishëm në këtë darkë ishte edhe Kryetari i Aleancës për Ardhmërinë e Kosovës, Ramush Haradinaj.
Ky është viti i 17 që Këshilli Kombëtar Shqiptaro-Amerikan jep çmime për personalitete të shquar të çështjeve shqiptare. Këshilli Kombëtar Shqiptaro-Amerikan tani me e ka bërë traditë që në darkën vjetore në New York të nderojë individë, personalitete të njohura nga politika, qoftë amerikanë, shqiptare ose të tjerë, të cilët kanë ndihmuar kombin shqiptar.