22.8 C
Prizren
E mërkurë, 28 Shtator, 2022

Serwer: Ramushi po përpiqet ta riparojë imazhin e tij

SerwerAnalisti amerikan, Daniel Serwer ka folur rreth vizitës së Ramush Haradinajt në Shtetet e Bashkuara të Amerikës. Serwer ka thënë se kreu i AAK-së me vizitat që ka bërë në kryeqendrat evropiane dhe tani në Washington, po përpiqet ta rregullojë imazhin e tij.

”Kjo nuk është vizita e tij e parë në SHBA. Ai ka qenë këtu disa herë pas luftës. Ai po përpiqet tani ta riparojë reputacionin si një bashkëbisedues i moderuar dhe i besueshëm, pas një periudhe të vështirë gjatës së cilës e ka mbrojtur veten në Hagë”, ka thënë Serwer, Express

Analisti amerikan ka komentuar edhe rreth zhvillimeve të fundit në vend dhe krizës qeveritare. Koalicioni aktual nuk ka mundur javën e kaluar ta miratojë shitjen e PTK-së për shkak të mungesë së numrave në Parlament.

Serwer thotë se nuk e di nëse vendi do të mund të shkojë në zgjedhje të parakohshme.

Por, sipas tij, nëse në Kosovë dhe Serbi , ku po ashtu është përfolur mundësia për mbajtjes së zgjedhjeve, ndodhë një zhvillim i tillë atëherë do të afektohej procesi i dialogut.

”Vërtetë nuk e di nëse do të mund të ketë zgjedhje të parakohshme. Por nëse ka, do të mund të shtyheshin bisedimet, por nuk do të duhej të kishte probleme me implementimin e marrëveshjes. Por është me rëndësi që ta kemi në mendje se ka edhe gjëra tjera duke ndodhur në botë. Catherine Ashton është negociatore e BE-së për programin nuklear të Iranit. Ajo mund të ketë probleme me agjendën gjatë muajve të ardhshëm”, ka thënë Serwer.

Profesori në Universitetin John Hopkins ka thënë se rreth njohjeve të fundit kanë ndikuar edhe bisedimet Kosovë-Serbi. Ai ka pohuar se shpreson se diplomacia ta shfrytëzojë këtë në mënyrë të suksesshme edhe në të ardhmen.

Më Shumë

Lajm i mirë, raportohet se më 13 tetor BE diskuton për liberalizimin e vizave për Kosovën

Më 13 tetor, në takimin e grupit punues të Këshillit Evropian, do të diskutohet çështja e liberalizimit të vizave për Kosovën. Këtë e kanë...

Vetëvendosje sot mban zgjedhjet e brendshme

Sot do të mbahen zgjedhjet e brendshme në Lëvizjen Vetëvendosje. Qendrat e vendvotimeve do të hapen në orën 10 dhe do të mbyllen në orën...

Lajmet e Fundit