Regjisori i “X Men”, Bryan Singer akuzohet për abuzim seksual, nga Michael Egan, sot 30-vjeç, i cili pretendon se është detyruar të kryejë marrëdhënie seksuale, në vitin 1999 kur ishte vetëm 15 vjeç.
Sipas mediave në SHBA, regjisori ka abuzuar me djalin, kur ai aspironte të bëhej aktor. Sipas akuzës, Bryan Singer e kishte gënjyer djalin me një rol në një film, dhe në këmbim kishte kërkuar raporte seksuale.
Por avokati i regjisorit i hodhi poshtë akuzat duke thënë: “Akuzat ndaj Bryan Singer janë pa baza. Jemi të sigurt se do të vërtetojmë pafajësinë.”