8.8 C
Prizren
E diel, 27 Tetor, 2024

Renditja e FIFA-s: Shqipëria ngjit tre vende

FIFA ka publikuar renditjen më të fundit të ekipeve kombëtare. Shqipëria falë paraqitjeve të mira në kualifikueset e shtatorit të Euro 2024 ka arritur të ngjitet me tre vende duke u pozicionuar e 62-ta në botë.

Organi qeverisës i futbollit botëror ka bërë përditësimin më të fundit në renditjen e kombëtareve që mban datën 21 shtator 2023. Argjentina qëndron në vendin e parë. Franca, Brazili, Anglia, Belgjika, Kroacia dhe Holanda vijnë më pas dhe nuk kanë ndryshuar pozicion nga renditja e një muaji më parë.

Portugalia tashmë, me renditjen e re, ka rrëmbyer vendin e Italisë, duke kaluar e 8-ta, ndërsa italianët të 9-ët. Spanja mbyll “top 10” përsëri.

Shqipëria ka kaluar nga vendi i 65-të në botë në vendin e 62-të. Kujtojmë se në kualifikueset e shtatorit, kuqezinjtë arritën një barazim 1-1 në Çeki dhe një fitore 2-0 ndaj Polonisë në Tiranë.

Kosova nga vendi i 109 ka zbritur në vendin e 111. Për “Dardanët” ka ndikuar forma e dobët në kualifikuese, sidomos humbja 2-0 ndaj Rumanisë. Ata morën dhe një barazim 2-2 me Zvicrën në Prishtinë.

Renditja e radhës e FIFA-s pritet të zbulohet pas një muaji, kur të luhen ndeshjet ndërkombëtare të tetorit.Albanian Post

Më Shumë

Dënohen me nga 3 mijë euro gjobë dy zyrtarët komunalë të Suharekës, të akuzuar për korrupsion

Gjykata Themelore në Prizren ka dënuar me nga 6 muaj burgim dy zyrtarët komunalë të Suharekës, Berat Kabashi dhe Beqir Berisha, pasi të njëjtit...

Sonte fillon Festivali i Këngës

Sot, në Pallatin e Rinisë në Prishtinë, do të fillojë Festivali i Këngës së RTK-së, i cili do të transmetohet drejtpërdrejt në RTK. Të gjitha...

Lajmet e Fundit