Agjencia e Ushqimit dhe Veterinës, thotë se ky proces është shumë i domosdoshëm, pasi do të mbajë larg kontaktin e rriqrave nga kafshët dhe njerëzit, duke zvogëluar kështu edhe numrin e personave të pickuar nga rriqrat të cilët jo rralë ishin pre e Etheve Hemorragjike “Krime- Kongo”, të cilat pas vitit 1999-të shkaktuan 14-të viktima nga kjo komunë.
Ka rifilluar sërish repelimi I kafshëve në komunën e Malishevës, pas më shumë se 2 muaj pauze. Këtë herë, kanë qenë vetë drejtuesit e Agjencisë së Ushqimit dhe Veterinës, që e rifilluan këtë proces, të cilin e kishin pezulluar dy muaj më parë për, siq thonë ata ishin vërejtur parregullsi në preparatin që ishte përdorur në deziisektimin e kafshëve.
Kryeshefi i AUV-së, Valdet Gjinoci, thotë se, ky proces, është shumë i domosdoshëm, pasi kjo komunë është më e ekspozuara nga Ethet Hemorragjike, raporton RTK.
Zyrtarët e komunës së Malishevës, thonë se, janë duke bashkëpunuar me kompaninë “Fauna” dhe AUV-në, që ky proces të mos hasë në pengesa.
Më të kënaqur me rifillimin e repelimit të kafshëve, shprehen fermerët.
Sipas të dhënave të drejtorisë së bujqësisë, Komuna e Malishevës, ka mbi 14 mijë krerë gjedhë, mbi 8700 dele dhe mbi 3500 krerë dhi. Sot përfundon repelimi I të gjitha bagëtive që janë në qytezë, ndërsa nga nesër do të nisë edhe në fshatrat e kësaj komune. Faza tjetër e repelimit, do të nisë në muajin Mars 2015-të. /PrizrenPress.com/