5.8 C
Prizren
E shtunë, 26 Nëntor, 2022

Rimëkëmbja ekonomike e varur nga vaksinimi

Rimëkëmbja ekonomike nuk mund të ndodhë pa arritjen e imunizimit nga virusi Covid-19, kështu thonë njohësit e çështjeve ekonomike, raporton Ekonomia Online.

Kryetari i Odës Ekonomike, Berat Rukiqi, në një bisedë me Ekonomia Online, ka thënë se kohëve të fundit ka rritje të qarkullimit dhe kjo sigurisht do të reflektohet në buxhetin e vendit.

“Nga bisedat me bizneset vërehet që ka rritje të qarkullimit  dhe kjo sigurisht do të reflektohet në buxhetin e vendit dhe në gjendjen financiare të kompanive. Jemi në proces të rimëkëmbjes po i  referohem rritjes së qarkullimeve të bizneseve këtë vit dhe rritjes së eksporteve dhe të hyrave buxhetore. Mirëpo prapë nuk mund të flasim pa e pasur një përfundim zyrtar të pandemisë. Nëse dëshirojmë ta shohim pjesën e rimëkëmbjes dhe të kemi plane afatgjata të zhvillimit këtë nuk mund ta bëjmë pa e pasur një situatë më të mirë të vaksinimit dhe kjo është apel për të gjithë ata që po hezitojnë të vaksinohen sidomos tani kur ka mundësi edhe e zgjedhjes së vaksinës dhe të mos jenë pengmarrës të zhvillimit të vendit”, tha Rukiqi.

Kryetari i Odës Ekonomike Amerikane, Arian Zeka, theksoi se kontributi i diasporës në ekonominë e vendit është i jashtëzakonshëm.

Sipas tij, vetëm nëse mund të arrihet rritje ekonomike prej  7.9%, mund të konsiderojmë rimëkëmbje të plotë ekonomike.

“Kontributi i diasporës në ekonominë e vendit është i jashtëzakonshëm jo vetëm në aspektin e remitencave që ata dërgojnë në vendin e tyre në Kosovë. Ajo çfarë mund të themi që ardhja e tyre masive që i bie që do të ketë ndikim të jashtëzakonshëm në ekonominë e vendit. Nëse arrijmë normën e parashikuar të qeverisë prej 7.9% për vitin 2021 besoj që në muajt e parë të vitit 2022 ne do të mund të kolaudojmë që kemi arritur rimëkëmbje të plotë ekonomike”, tha Zeka.

Më Shumë

Policia kërkon ndihmë për gjetjen e 25-vjeçares nga Rahoveci, thotë se është zhdukur para dy jave

Policia e Kosovës të premten ka publikuar fotografinë e një vajze nga Rahoveci, për të cilën ka thënë se është e zhdukur tash e...

Vjen oferta e parë për Ronaldo-n, Al Hilal e Arabisë Saudite kërkon portugezin

Cristiano Ronaldo mund të marrë ofertën e tij të parë që nga lirimi nga Manchester United, me Al Hilal që po përgatitet të bëjë...

Lajmet e Fundit