Cristiano Ronaldo ka treguar se ishin fansat e Juventusit ata që kishin ndikuar në vendimin e tij për t’u bashkuar me kampionin italian.
Kjo pasi kishte marrë duartrokitje të mëdha nga “Bianconerët” kur kishte shënuar një gol të bukur në çerekfinale të Ligës së Kampionëve ndaj Juventusit, transmeton Koha.net.
Portugezit i kishte lënë përshtypje të mëdha të duartrokitej nga tifozët e Juventusit, që thotë se ishte diçka e re për të.
“Detajet e vogla bëjnë diferencë të madhe në fund të ditës. Mund të them se ajo çfarë pash në stadium më ndihmoi të transferohem këtu. Jo 100 për qind, por ajo më bëri të mendoj”, është shprehur Ronaldo, raporton Goal.
Ai thotë se ishte një nga golat më të bukur të tij.
“Kur njerëzit filluan të më duartrokitnin në stadium dhe thash ‘ëoë’. Më befasoi shumë sepse asnjëherë nuk më kishte ndodhur në jetë, prandaj ishte një moment i pabesueshëm”, ka thënë Ronaldo, që në këtë verë u largua nga Reali për t’u transferuar te Juventusi.