27.8 C
Prizren
E premte, 19 Korrik, 2024

Rukiqi thotë se rritja ekonomike këtë vit parashihet të jetë 7 për qind

Kryetari i Odës Ekonomike të Kosovës (OEK), Berat Rukiqi, ka thënë se deri në fund të vitit parashikohet që vendit të ketë rritje ekonomike jo më e vogël se 7 për qind.

Ai ka thënë se nëse synohet të arrihet kjo rritje ekonomike duhet të ketë një dinamikë të implementimit të investimeve kapitale.

“Ne nëse duam të mbajmë një momentum të rritjes ekonomike atëherë duhet të shihet që të ketë një dinamikë të implementimit të investimeve kapitale për arsye të ndryshme qoftë ato që lidhen me zgjedhjet e shpeshta, ndryshimit të qeverive dhe pandemisë. Duhet të shikohet mundësi e investimeve edhe në zona ekonomike dhe po ashtu të shikohet mundësi të përkrahen edhe eksportet dhe mund të shumëfishohet edhe vlera e eksportuesve. Kemi projeksione të Fondit Monetar Ndërkombëtar 7 për qind, Bankës Botërore 7.5 për qind, të Qeverisë e cila pret rreth një vlere dyshifrore të rritjes ekonomike”, ka thënë ai, raporton “EO”.

Rukiqi ka thënë se në fund do ta kemi një shifër të rritjes ekonomike që do të jetë një shkallë e rritjes ekonomike dhe po ashtu një ndryshim të dukshëm sa i përket rritjes së eksportit.

“Projeksionet janë për një rritje ekonomike jo më e vogël se 7 për qind. Ne nuk mund të presim të kemi të njëjtën shkallë të vizitave të diasporës dhe nuk mund të presim të kemi të njëjtin raport me shtimin e konsumit. Ky vit mund të shënohet i suksesshëm sa i përket rritjes ekonomike”, ka deklaruar Rukiqi.

Më Shumë

Digjet një veturë në autostradë (foto)

Një veturë është djegur në autostadën “Ibrahim Rugova”, më saktësisht në fshatin Carallukë. Në fotografitë që i kanë dërguar lexuesit e Gazetës Express shihet se...

Gjuajti në aheng, policia në fshatin Billush të Prizrenit sekuestron një armë dhe gjen municion – i dyshuari ndalohet për 48 orë

Drejtoria rajonale e Policisë së Kosovës në Prizren, Stacioni Policor në Prizren më 18.07.2024 rreth orës 19:10 përmes rrugëve operative kanë marre informatën se...

Lajmet e Fundit