Zëvendëskryeministri, Behgjet Pacolli, nuk beson se Qeveria Thaçi 2, pjesë e së cilës është edhe partia e tij, do ta përfundojë mandatin para kohe, përkatësisht para muajit shtator.
Derisa heziton t’i komentojë deklaratat e ish-diplomatit amerikan, James Rubin, i cili pati deklaruar se krahu i luftës duhet të largohet nga pushteti, Pacolli gjatë një interviste për gazetën “Zëri” flet edhe për riformatimin e ministrave të AKR-së në qeverinë Thaçi, pasurimin e politikanëve brenda natës, ikjen e investitorëve të huaj, përkrahjen e Mimoza Kusari-Lilës dhe Agim Bahtirit nga imami kontrovers Shefqet Krasniqi, etj.