Të paktën 40 persona kanë humbur jetën nga përmbytjet në rajonin e Himalajeve indiane.
Përmbytja filloi të mërkurën kur ujërat e liqenit akullnajor Lhonaku Jugor shpërthyen një digë hidroelektrike.
Kjo shkaktoi përmbytje të shpejta në shtetin malor Sikkim të Indisë verilindore, duke prekur qytete dhe fshatra përgjatë lumit Teesta në Luginën Lachen, raporton Sky news, transmeton Klankosova.tv.
Përafërsisht 22 mijë njerëz janë prekur, me gati 100 njerëz, përfshirë 22 ushtarë, të raportuar ende të zhdukur.
Zyrtarët në Sikkim thanë se numri i të vdekurve të enjten ka qenë 18, ndërsa në shtetin fqinj të Bengalit Perëndimor, u gjetën edhe 22 trupa të tjerë.
Ushtria indiane tha se po planifikonte të evakuonte rreth 1500 turistë të bllokuar nga rajoni duke përdorur helikopterë.
Kurse nga dëmet materiale, njëmbëdhjetë ura u shkatërruan, të cilat gjithashtu goditën tubacionet dhe dëmtuan ose shkatërruan më shumë se 270 shtëpi në katër rrethe.