Një person është arrestuar nga policia në Rahovec. Ai dyshohet se ka kryer marrëdhënie seksuale me një vajzë të mitur. Zëdhënësi i PK-së në Prizren, Hazir Berisha tha se rasti është lajmëruar nga babi i të miturës.
“Një prind nga një fshat i komunës së Rahovecit, ka informuar policinë se vajza e tij e mitur (nën 16 vjeç) ishte larguar nga shtëpia dhe nuk mund ta gjente ,mirëpo, kishte disa pista të cila mund ta ndihmonin hetimin”.
“Pas një pune operative është gjetur vajza në shtëpinë e një të dyshuari i moshës rreth 33 vjeç”.
“Pas intervistës është kuptuar se vajza ka shkuar me vetëdëshirë tek i dyshuari, ndërkaq prokurori për të mitur dhe ai për krime të rënda, janë akorduar që i dyshuari të ndalët në mbajtje me dyshimin e bazuar se i njëjti ka konsumuar elemente të veprës penale keqpërdorim seksual në moshën 16 vjeç”/PrizrenPress.com/