Në vitin 2013 shkruante “Dua të jem si Zoe Barnes”. E pikërisht pse donte të imitonte gazetaren e “House of Cards” sot Ali Watkins, gazetare për New York Times, është në telashe të mëdha.
Në jetën reale, gazetarja ka pasur një marrëdhënie intime me James Wolfe, ish zyrtar përgjegjës për sigurinë e Senatit Amerikan, nga i cili duket se ka marrë të dhëna të rezervuara dhe media për të cilën ajo punon e ka vënë nën hetim.
Reporterja është autore e shumë skupeve, duke nisur nga ata të publikuar në ‘Buzzfeed’, deri tek ‘NYT’, ku punësohet në dhjetor të 2017, pikërish në përfundim të ‘lidhjes së dashurisë’ me funksionarin e lartë.
Përmes komisionit të inteligjencës së Senatit Amerikan, për të cilin Wolfe ishte përgjegjës, kanë kaluar kërkesat parlamentare më delikate, nisur nga “Russiagate”, shkruan Corriere della Sera
Mes ‘scoopeve të publikuara nga gazetarja është edhe ai i takimit të njërit prej këshilltarëve të presidentit Trump, Carter Page, me një ish spiun rus gjatë fushatës elektorale të 2016s.
Wolfe përfundoi nën hetim dhe u arrestua më vonë nga FBI, për nxjerrje të sekretit.
Fillimisht ai e mohoi një gjë të tillë, por u detyrua të pranonte më vonë, pasi ishte survejuar për një kohë të gjatë dhe mesazhet që kishte shkëmbyer me gazetaren Watkins vërtetonin akuzat.