Sipas raportit të Policisë së Kosovës, mbrëmë në fshatin Velezhë, Prizren, pas ndalimi të një automjeti gjatë patrullimit janë gjetur dhe sekuestruar dy pistoleta.
“Rreth orës 22:00, në një pikë kontrolli në fshatin Velezhë, një patrullë policore e ka ndaluar një automjet të llojit ” D. Chrysler” dhe gjatë kontrollit të automjetit dhe personave janë gjetur dhe sekuestruar dy pistoleta të llojit M57 të kalibrit 7.62mm; njëra me 9 dhe tjetra me tetë fishekë”, thuhet në raportin e Policisë,
“Dy të dyshuarit janë intervistuar nga policia dhe më pas është informuar prokurori i shtetit i cili ka urdhëruar që rasti të procedohet sipas procedurës së rregullt ndërsa provat materiale dhe shkresat e lëndës t’i kalojnë prokurorisë për procedura të më tejme”, përfundon raporti.