Ish anëtari i Shtabit të Përgjithshëm të UÇK-së, Rexhep Selimi e ka quajtur legjitim shqetësimin e Bekim Jasharit, për mos intonimin e himnit kombëtar në Kazermën Adem Jashari.
Ai ka thënë në emisionin Info Magazine të Klan Kosovës se ato çfarë sot tha Bekim Jashari nuk i përket vetëm ditës së sotme, por është i një morie të ngjarjeve të mëhershme.
“Në këtë datë të mos respektohet, mos të manifestohet ajo për çka ranë, që ishte flamuri, himni, mendoj që Bekim Jashari manifestoj jo vetëm mllefin e familjes Jashari, por të gjithë atyre që luftuan për liri, që u mohua flamuri, himni, besa edhe liria… Shqetësimi i Bekim Jasharit, ishte me së legjitim. Nuk është hera e parë që familja Jashari heshtë. Ta nderosh Adem Jasharin dhe t’ia mohosh flamurin me të cilin u mbulua nuk bënë”, tha Selimi.
Njëri prej themeluesve të UÇK-së, theksoi se kur ta respektosh një luftë, pashmangshëm duhet t’ia nderosh asaj lufte edhe qëllimin, që sipas tij, e sot u pa që nuk u respektua.