Delegacioni i Serbisë do të përpiqet që të mërkurën, me ndërmjetësimin e BE-së, në Bruksel me delegacionin e Prishtinës të arrijë marrëveshjen rreth të gjitha çështjeve të pazgjidhura në lidhje me zgjedhjet lokale në Kosovë.
Delegacionin serb do ta kryesojë Marko Gjuriq, këshilltar i presidentit të Serbisë.Sipas gazetës “V. Novosti” kanë mbetur edhe shtatë ditë deri në zgjedhjet lokale në Kosovë, më 3 nëntor, ndërsa procesin edhe më tutje e shoqërojnë “probleme të mëdha” dhe “obstruksioni” i Prishtinës.
Kontestet ende vazhdojnë rreth listave të votuesve, lista e papastruar me emrat e të vdekurve, pjesëmarrja e serbëve në KQZ, si dhe bllokada ndaj vizitave të zyrtarëve serbë ne Kosovë , pohon gazeta.
Ndërkaq, vendimin për arrestimin e Vulinit nëse provon të hyjë në Kosovë, Gjuriq e ka cilësuar si “provokim” .