8.8 C
Prizren
E premte, 19 Prill, 2024

SHBA ftojnë për iftar kryegjyshin e Bektashianëve

Dedebaba Edmond BrahimajUdhëheqësi i Kryegjyshatës Botërore bektashiane, Dedebaba Edmond Brahimaj, ka ardhur prej disa ditësh në Shtetet e Bashkuara të Amerikës i ftuar për herë të dytë në një iftar të organizuar për liderë fetarë myslimanë nga e gjithë bota nga Sekretari Amerikan i Shtetit, John Kerry, raporton RTK.

Kryegjyshi Baba Mondi duke folur për marrëdhëniet në mes bektashinjve shqiptarë dhe SHBA-ve thotë se ato kanë një histori të gjatë që para luftës së Dytë Botërore, nga vitet e 20-ta dhe ato janë të shkëlqyera.

Baba Mondi thotë se qendra botërore Bektashiane ishte me seli në Tiranë që nga viti 1929 deri më 1967 kur zyrtarisht u shuan të gjitha fetë në Shqipëri. Sot ajo është ringjallur dhe bektashizmi ekziston në 31 shtete të botës ndërsa bektashianët shqiptarë vazhdojnë ta konsiderojnë Shqipërinë si selinë e kryegjyshatës botërore të bektashinjve.

Baba Mondi thotë se rreth 45/% e myslimanëve shqiptarë në Shqipëri janë bektashianë, por regjistrimi i fundit i qeverisë shqiptare i ka paraqitur shumë më pak dhe i ka dëmtuar. ’Ai thotë se në pyetësorin e regjistrimit figuronte vetëm pyetja ‘je i krishter apo mysliman,’ por nuk pyetej cilit komunitet i takon.’

Si duhet të jetë një besimtar, dhe çfarë ofron Bektashizmi që nuk e gjen tek një fe tjetër? “Ne nuk i detyrojmë njerëzit të falen pesë herë në ditë, ose të shtunën e të dielën. Tek ne njerëzit vijnë kur e ndjejnë,” thotë ai.

Një karakteristikë që dallon bektashianët nga ‘myslimanët e tjerë’ është se ata bëjnë lutje të përbashkëta, burra dhe gra në një faltore dhe nuk e mbulojnë gruan, thotë Baba Mondi. “Gruan nuk e ruan fesi dhe mbulesa, por karakteri i saj.” Lutjet e bektashinjve janë në gjuhën shqipe dhe në qendër të këtyre lutjeve eshtë kombi dhe preosperiteti i tij. Moto e bektashinjve është ‘Pa atdhe s’ka fe.’

Më Shumë

Moti sot: Me shi dhe reshje bore

Këtë të mërkurë në Kosovë pritet të ketë ulje drastike të temperaturave ku priten reshje shiu. Reshjet do të jenë në formë të rrebesheve, të...

Nesër ditë zie në Kosovë

Nesër do të mbahet ditë zie në Kosovë. Kështu ka bërë të ditur Presidentja e Kosovës, Vjosa Osmani. “Nesër do të jetë ditë zie shtetërore në...

Lajmet e Fundit