8.9 C
Prizren
E diel, 26 Janar, 2025

SHBA mirëpret vendimin e Kosovës për pranimin në parim të Planit evropian

Ambasadori i Shteteve të Bashkuara të Amerikës në Kosovës, Jeffrey Hovenier ka thënë sot se SHBA-të mirëpresin vendimin e Kosovës për të pranuar në parimin Planin e Bashkimit Evropian për normalizimin e raporteve Kosovë-Serbi.

Hovenier në një postim në Twitter shkruan se Shtetet e Bashkuara të Amerikës do të vazhdojnë të ofrojnë mbështetjen e plotë për dialogun e lehtësuar nga BE-ja.

“Shtetet e Bashkuara inkurajohen dhe mirëpresin vendimin e Kosovës për të pranuar në parim Propozimin e BE-së dhe ne do të vazhdojmë të ofrojmë mbështetjen tonë të plotë për Dialogun e lehtësuar nga BE-ja. Marrëveshja e përkohshme do të sjellë përfitime të konsiderueshme si për Kosovën ashtu edhe për Serbinë”, shkruan ambasadori amerikan.

Ndryshe, të hënën për vizitë në vendin tonë ishte dërguar i BE-së për dialogun, Miroslav Lajçak.

Pas takimit me Lajçak, kryeministri Albin Kurti ka thënë se pranon në parim planin e BE-së dhe se është një bazë e mirë për diskutime të mëtejshme dhe një platformë solide për të ecur përpara.

Ndërkaq, pas takimit në Prishtinë lidhur me këtë çështje ka shkruar edhe Lajçak.

Ai tha se i vjen mirë që edhe Kosova pranoi në parim planin e Bashkimit Evropian.

Lajçak në një shkrim në Twitter bën të ditur se pas pranimit të planit të BE-së nga Kosova do të vazhdojnë diskutimet në nivel të lartë. /Telegrafi/

Më Shumë

Komuna e Dragashit njofton fermerët për dorëzimin e aplikacioneve për pagesat direkte

Komuna e Dragashit i ka bërë thirrje fermerëve që aplikacionet për programin e pagesave direkte për qumësht, therjet e raportuara të gjedhit, viçat për...

Leci merr drejtimin e Rahovecit

Skuadra e Rahovecit, që po lufton për mbijetesë në Ligë të Parë - Grupi A këtë stinor ka emëruar sot trajnerin e ri të...

Lajmet e Fundit