Një shkollë në Struzhë të Prizrenit ka vetëm 7 nxënës.
Drejtori i Drejtorisë së Arsimit në Komunën e Prizrenit, Skënder Susuri, ka thënë për Express se nuk kanë mbyllur asnjë shkollë, përkundër rënies së numrit të nxënësve.
Ai ka shtuar se situatë të rënduar sa i përket numrit të vogël të nxënësve kjo komunë ka në viset e thella rurale.
Sipas tij, në fshatin Struzhë funksionin një shkollë e cila ka vetëm 7 nxënës.
“Gjithsesi edhe në Komunën e Prizrenit ka zvogëlim të numrit të nxënësve krahasuar me vitet e mëparshme. Në situatë më të renduar janë viset e thella rurale, siç është rasti me fshatin Struzhë ku funksionon shkolla në gjuhën mësimore shqipe me gjithsej 7 nxënës. Kjo edhe nga fakti se pas luftës se vitit 1998/1999 për shkak të shkatërrimit të tërësishëm të këtij fshati, popullata nuk është kthyer, përkatësisht është shpërngulur në qytet“, ka thënë Susuri.