Lidhja Demokratike e Kosovës (LDK) në Prizren ka kritikuar pushtetin komunal për gjendjen e keqe që është krijuar në sistemin e arsimit. Sipas LDK-së, shkollat në këtë qytet janë bërë çerdhe e huliganëve dhe nepotizmit.
“Sundimi anarkistë nga i dënuari Ramadan Muja reflekton edhe në arsimin e Prizrenit. Tani më jemi dëshmitar që shkollat tona nga shembulli më i mirë për gjithë Kosovën janë kthyer në arena huliganësh me plotë “arsimtar” të pa denjë për ta kryer atë punë . Sot, shkollat e Prizrenit janë çerdhe huliganësh që në çanta në vend të librave mbajnë revole, thika dhe armë tjera të ftohta”, thuhet në komunikatën e LDK-së në Prizren.
“Në shkollën e mesme të mjekësisë, aty ku nipi i të dënuarit Ramandan Muja është drejtor shkolle kishim edhe therje me thikë mes nxënësve huligan dhe presion nga po i njëjti për izolim të rastit”.
“Kjo nuk është për t’u habitur, ku vet drejtori i arsimit komunal është një njeri me dosje të shumëfishta në prokurori dhe gjykatë”.
“Kjo e tregon nivelin e ultë ku ka ra arsimi dhe e ardhmja e shkollimit të gjeneratave në komunën e Prizrenit. Një njeri me dosje, vartës i të dënuarit Ramadan Muja, pjesë një qeverie lokale të inkriminuar dhe të degraduar moralisht deri në pedofili sot tallët me të ardhmen e këtij vendi“.
“Ky pushtet anarkistë është përgjegjës për të gjitha dështimet dhe degradimet në shkollat dhe sistemin arsimor në komunën e Prizrenit. Tani më është e njohur praktika e punësimeve me dekrete politike të personave klientelist, jo profesional të pa kualifikuar, por që i shërbejnë regjimit të Ramadan Mujës”.
“Praktika e punësimeve pa konkurse tani e sa vjet është evidente, si ne sektorët tjerë edhe në shkollat e Prizrenit”.
“Pas evidentimeve të fundit për punësimeve pa konkurs në pozitën e trashëguar si në monarki prej të atit tek i biri në pozitën e sekretarit në SHFMU “Avdyl Frashëri” dhe në po të njëjtën pozitë por në shkollë tjetër, drejtorit të Administratës së Komunës së Prizrenit, ka punësuar gruan sekretare në SHFMU “ Ibrahim Fehmiu” në Arbanë”.
“Ky punësim nuk përfundon me kaq. Ka disa vjet që në SHFMU “Mati Logoreci” drejtori i kësaj shkolle, Haxhi Kabashi ka të punësuar djalin e tij Adhurim Kabashin, i cili ka të përfunduar një kolegj privat me një profil jo arsimor dhe i njëjti është i punësuar pa kurrfarë konkursi dhe në atë shkollë sillet si në shtëpinë e babës së vet”.
“Ky pushtet kujdeset edhe për sistemimin e “makinave” votuese në Asamblenë Komunale të Prizrenit. Kështu pa konkurs dhe pa plotësim kriteri profesional është e punësuar Agnesa Bytyçi në SHFMU “Dy Dëshmorët” në Piranë, asambliste e PDK-së“.
“Se shkollat e komunës së Prizrenit janë çerdhe punësimi pa kriter dhe konkurs për militantët e PDK-së nuk janë të pakta. Një punësim të ngjashëm së fundmi e hasim edhe në të ashtu quajturën Qendrën e Kompetencës ku të punësuarit aty janë përzgjedhë me dekret nga strukturat e nëntokës politike nga lartë”.
“Ne kemi të identifikuara edhe shumë raste ku në shkollat e komunës së Prizrenit punojnë njerëz me shkollim të mesëm dhe të cilëve vazhdimisht ju fshihen vendet e punës, e kur dihet fakti se sa të diplomuar sillen rrugëve vetëm e vetëm që nuk i përkasin partisë anarkiste që sundon me Prizrenin”.
“Fatkeqësisht ky identifikim nuk paraqet tërësinë e shkeljeve dhe shqetësimeve tona për gjendjen e arsimit në komunës së Prizrenit. Por, ne zotohemi se në bashkëpunim me qytetarët do të jemi në shërbim të luftimit të anarkisë nga ky pushtet i pa kuptimit, tani më i degraduar edhe moralisht me një njeri në krye i dënuar me vendim gjykate”./PrizrenPress.com/