Kandidati i LDK-së për kryetar të Prizrenit, Anton Quni, në kuadër të fushatës zgjedhore ka takuar banorët e rrugës, ‘Manush Berisha’.
“U preka shumë nga informatat që më dhanë në lidhje me përditshmërinë e tyre me mungesën e ujit të pijes”, tregon Quni.
“Ata, mjerimin në të cilin janë lënë të jetojnë ma argumentuan me një pjesë të gypit të ndryshkur se nga çfarë rrjeti të stërvjetëruar furnizohen”.
“ Përveç rrezikut për helmim, ata vuajnë vazhdimisht nga mungesa e ujit, sigurisht kjo nga humbjet nëntokësore, si rezultat i këtyre gypave”.
“ Si është e mundur që kjo qeveri ka mundur të bëj gjumin rehat e të mos ketë ndërmarrë masa me urgjencë, që të ndërrohen këta gypa të rrezikshëm për banorët e kësaj pjese të qytetit?”.
“Miliona euro u kanë mbetur suficit, e nuk e kanë mbështetur Hidroregjioni Jugor, me një projekt për ndërrimin e rrjetit që ua rrezikon shëndetin këtyre banorëve”.
“Jam thjeshtë i shokuar dhe nuk gjej fjalë ta përshkruaj ndjenjë e dëshpërimit e mllefit, që me të drejtë, këta banorë shfaqen për problemin e mungesës së ujit”.
“Të dashur qytetarë, me qeverisjen time, ky problem e me probleme të ngjashme si ky, që rrezikojnë shëndetin tuaj, do të mirremi që në muajin e parë”.
Sponsorizuar