5.3 C
Prizren
E enjte, 2 Tetor, 2025

Shoqëria Civile kërkon shqyrtimin e ligjshmërisë së vendimeve të ministrit Bytyqi

Përfaqësues të Shoqërisë Civile kërkojnë që Qeveria e re posa ta marrë mandatin t’i rishqyrtojë vendimet e fundit të ministrit të Arsimit, Shyqiri Bytyqi. Nëse evidentohet se ka pasur shkelje ligjore, ata konsiderojnë se duhet të bëhet anulimi i tyre.

Javë më parë, Shyqiri Bytyqi, ndonëse ministër në largim, emëroi disa persona në bordet e tri universiteteve publike, një pjesë e tyre anëtarë të partisë Aleanca për Ardhmërinë e Kosovës (AAK). AAK dhe Partia Socialdemokrate (PSD) e ministrit Bytyqi në zgjedhjet e fundit kanë qenë në një listë të përbashkët zgjedhore, shkruan sot “Koha Ditore”.

Po ashtu, në shtator ministri mori vendim që të shtojë numrin e studentëve në Fakultetin e Mjekësisë pa rekomandim të Këshillit Shtetëror të Cilësisë (bordit të Agjencisë së Akreditimit). Këto vendime po cilësohen të dyshimta dhe të dëmshme.

Kryetari i Këshillit për Mbrojtjen e të Drejtave dhe Lirive të Njeriut (KMDLNJ), Behxhet Shala, thotë se Qeveria e re duhet ta formojë një komision dhe t’i shqyrtojë këto vendime. Sipas tij, vendimet që i ka marrë Bytyqi së fundi nuk kanë qenë emergjente.

Më Shumë

51 aksidente trafiku në 24 orët e fundit në Kosovë

Policia e Kosovës ka publikuar raportin ditor me të dhëna të përgjithshme për 24 orët e fundit, duke përfshirë statistikat e aksidenteve në trafik,...

Momenti historik i futbollit hasjan: Drini i Bardhë inauguron Fushën e Gjonajt këtë të mërkurë

Pas një pritjeje të gjatë, Drini i Bardhë do të zhvillojë ndeshjen hapëse inauguruese në Fushën e Gjonajt, duke shënuar një moment historik për...

Heroi pa varr

Lajmet e Fundit