Kryetari i Prishtinës, Shpend Ahmeti, punën e tij, në Prishtinë, e ka “matur” me atë të kryetarit të Prizrenit,Ramadan Muja.
Ai tha se Prishtina ka asfaltuar rrugë dy herë më shumë se sa Prizreni.
“Prishtina dhe Prizreni përafërsisht e kanë buxhetin e njëjtë, por Komuna e Prishtinës ka asfaltuar dy herë më shumë rrugë se sa Komuna e Prizrenit”, tha Ahmeti, gjatë një tubumi zgjedhor në Prizren.
Ai, ka treguar se për shkak të punës që është bërë në Prishtinë, kanë rritur respektin ndaj tij dhe Lëvizjes Vetëvendosje!
“Mbrëmë, derisa po kthehesha nga një tubim në këmbë, i vetëm, këmbësorët më ndalonin në rrugë dhe më uronin, ndërsa shoferët e makinave më përshëndesnin duke u rënë burive. Kurrë nuk jam ndier më krenar që jam pjesë e Lëvizjes Vetëvendosje!” – tha mes tjerash Shpend Ahmeti në fjalën e tij drejtuar banorëve të lagjes “Ortakoll”.
Të pranishëm në këtë tubim ishin edhe kandidatët për deputetë: Dardan Sejdiu,Mytaher Haskuka, Drita Millaku, Arbër Rexhaj, Krenare Koqi dhe Kujtim Shala./PrizrenPress.com/
