Kombëtarja shqiptare rikthehet sonte në “Arenën Kombëtare” për të sfiduar Andorrën në kuadër të xhiros së dytë të kualifikueseve për Kupën e Botës 2026, ku objektivi i vetëm është fitorja.
Takimi do të luhet në orën 20:45, përcjell PrizrenPress.
Shqipëria në duel me Andorrën vjen pas disfatës në udhëtim tek Anglia (2-0), ndeshje kjo e luajtur tri ditë më parë në ‘Wembley’.
Kuqezinjtë të dielën mbrëma kanë zhvilluar seancën e fundit para sfidës me Andorrën. Trajneri Sylvinho pritet të zbresë në fushë me formacionin më të mirë, duke u mbështetur te lojtarët kyç që kanë shkëlqyer në ndeshjet e fundit./PrizrenPress.cm/
