Gjykata Themelore në Prizren ka dënuar me 7 muaj burgim dhe gjobë prej 100 euro T.N., për dhunë në familje.
I njëjti sipas njoftimit është lajmëruar në Polici nga bashkëshortja e tij, të cilës i ka shkaktuar frikë se do ta sulmojë fizikisht pas një rasti xhelozie.
“Me datë 07 janar 2021, në shtëpinë e tij familjare, me dashje kryen dhunë ose keqtrajtim fizik me qellin të cenimit të dinjitetit të dëmtuarës brenda një marrëdhënie familjare – bashkëshortes së tij, në atë mënyrë që pas disa mosmarrëveshjeve të njëpasnjëshme bashkëshortore lidhur me xhelozinë që e ka i pandehuri ndaj të dëmtuarës – bashkëshortes së tij, pasi që i pandehuri T.N., kthehet në shtëpi kërkon nga bashkëshortja e tij të di arsyen pse i ‘a kishte fshirë një numër të telefonit në telefonin e tij personal, edhe pse e dëmtuara është arsyetuar se nuk i ‘a ka prekur telefonin, i pandehuri tenton ta sulmoj fizikisht të dëmtuarën, dhe e njëjta nga frika se do të ndodhë një e keqe, mbyllet në dhomë e raporton rastin në Polici, qëndron në dhomë deri sa në vend ngjarje paraqiten zyrtarët Policor, me të cilat veprime i pandehuri T.N., tek e dëmtuara ka shkaktuar ndjenjën e frikës dhe shqetësimit të madh”, thuhet në njoftim.
Dënim me burgim në kohëzgjatje prej shtatë muaj, në të cilin dënim do t’i llogaritet koha e kaluar në paraburgim prej datës 07.01.2021.