Kryetarit të Degës së PDK-së në Prizren, Minir Krasniqit, do t’i shitet shtëpia me ankand publik. Ai që dëshiron të blejë shtëpinë e Krasniqit duhet t’i ketë në xhep 364.300 euro. Blerësi paraprakisht është i obliguar që në bankë të deponojë 10 për qind të shumës së caktuar të shtëpisë.
Kjo pasuri e Krasniqiit do të shitet në ankand publik në mbështetje të dispozitës së nenit 234 të LPP me qëllim të sigurimit të mjeteve për të përmbushur obligimet e firmës “Edorrita”, ndaj kreditorit Raiffeisen Bank, Kosovo me seli në Prishtinë.
“PrizrenPress”, ka arritur të sigurojë konkluzionin për shtitjen e shtëpisë së Krasniqit.
“Gjykata Themelore në Prizren, ka pranuar konluzionin CP nr. 619/12 të datës 24.03.2014 për shitjen e palujtshmërisë së hipotekuar, e cila është evidentuar në certifikatën mbi të drejtën e pronës 2010ZK-Prizren ngastër kadastral 3019/1 me kulturë shtëpi-ndërtesë, oborr me sipërfaqe të përgjithshme prej 288 ha, pronë e debitorëve Minir Krasniqi ½ me adresë në rrugën ‘Selajdin Braha’ nr.69 KK Prizren”.
“Pasuri e palujtëshme mund të shitet në vlerën e përcaktuar prej 364.00, por jo nën 80 për qind të kësaj vlere. Data e shitjes 28 prilli 2014”.
Shtëpia e kryetarit të Degës së PDK-së në Prizren, Minir Krasniqit do të shitet në Gjykatën Themelore në Prizren, zyra nr. 214.
“Të intersuarit duhet të deponojnë shumën prej 10 për qind të vlerës së cekur të palujtshmërisë në emër të kaocionit në gjykatën para se të fillojë shitja, me të drejtë kthimi të kaocionit pas ankandit ofertuesve të pasukseshëm”.
Minir Krasniqi në dy mandatet e kaluara të kryetarit Ramadan Muja, ka qenë drejtor i Administratës në Prizren. /PrizrenPress.com/
