Policia e Kosovës raporton se është hapur procedurë për kundërvajtje ndaj tri femrave, shtetase të Shqipërisë, për shkak se ato janë hasur duke punuar në tri lokale te ndryshme pa leje, duke shkelur Ligjin për të huaj.
Të dyshuarat janë kallëzuar për procedim në Departamentin për Kundërvajtje të Gjykatës Themelore në Prizren, ku do të zhvillohen procedurat e mëtutjeshme.
Policia njofton edhe për rastin që ka ndodhur të premten para mesnatës, kur në rrugën magjistrale Vërmicë-Zhur janë arrestuar tri të dyshuara, shtetase shqiptare, të cilat e kishin kaluar ilegalisht kufirin Shqipëri-Kosovë. Me urdhër të prokurorit të dyshuarat janë dërguar në mbajtje.