PDK-ja në zgjedhjet lokale të 3 nëntorit ka manipuluar zgjedhjet duke blerë votat në Prizren, për kandidatin e tyre për kryetar të kësaj komune.
Kështu së paku pretendon një dëshmitar, i cili në kushte anonime ka rrëfyer për Klan Kosovën mënyrën se si njerëzit e kësaj partie i kanë blerë votat në Prizren.
“Nijazi Kryeziu (kryesuesi i kuvendit komunal të Prizrenit dhe sekretar i degës së PDK-së në Prizren) vjen me XP me tabela 01 i jep Shkodranit (Shkodran Kryeziu, kryetar i Forumit Rinor të PDK-së në Prizren) pare, afërsisht 20 mijë euro dhe i thotë Shkodranit kush po fiton, ai përgjigjet Zafa (Zafir Berisha i BD-së). Qe paret edhe bon çka do që PDK-ja të fiton”, tha dëshmitari, që ka edhe një xhirim ku tregon blerjen e votës dhe të cilën ia ka dorëzuar Policisë së Kosovës.
I kontaktuar nëpërmjet telefonit nga televizioni Klan Kosova, i apostrofuari Kryeziu ka mohuar të jetë përfshirë në këto lloj pazare “Unë jam bos dhe nuk merrem me aso punësh. Atë ditë isha i zënë me tjera punësh”.