18.3 C
Prizren
E premte, 12 Shtator, 2025

Si u luftua gripi spanjoll… me ajër të pastër e rreze dielli

I nxehti dhe ajri i pastër, mund të ndikojnë në rënien e rasteve të infektuara. Këtë theksojnë shpesh, shumë specialistë të shëndetit publik, pa lënë mënjanë distancimin dhe kujdesin për të moshuarit.

Në të vërtetë, ndikimi i diellit dhe ajrit të pastër në luftën kundër viruseve, nuk është teori e re apo e panjohur.

Richard Hobday, inxhinier dhe autor i disa botimeve mbi rëndësinë e diellit në shëndetin e njeriut, në një publikim, flet për ndikimin e ajrit dhe diellit në shëndetin e të infektuarve gjatë pandemisë së gripit spanjoll.

“Gjatë pandemisë së gripit spanjoll, në vitin 1918, mjekët vunë re, se pacientët që qëndronin jashtë çadrave u rekuperuan më shpejt se ata që u trajtuan brenda. Ajri i pastër dhe rrezet e diellit, dukej se kishte ndikuar në uljen e numrit të viktimave, si dhe të përhapjes së viruisit mes punonjësve të stafit.

Gjatë pandemisë së madhe, dy nga vendet më problematike ishin barrakat ushtarake dhe anijet. Mbipopullimi dhe për pasojë ajri i ndotur, i çonin ushtarët në rritjen e rrezikut të infektimit dhe shoqërimin nga komplikacione të tjera.

Dielli dhe ajri i pastër në luftën kundër gripit spanjoll
Në vitin 1918, kur pandemia mbërriti në brigjet lindore të SHBA-së, qyteti i Bostonit u godit veçanërisht më fort. Ndaj u ngrit një spital emergjencek ku u vendosën ushtarët dhe marinarët e sëmurë. Stafi mjekësor vuri re, se të sëmurët më rëndë kishin qenë në vende të paajrosura, ndaj për të qenë në vende me më shumë ajër i vendosën në çadra. Kur moti ishte i mirë, i nxirrnin jashtë në diell. Mjekët që provuan të parët, terapinë e ajrit të pastër, në spitalin e Bostonit, qenë të bindur se ajo ishte efektive dhe u përdor edhe në vende të tjera.

Sipas raporteve të kohës, kjo i reduktoi rastet me humbjen e jetës te pacientët, nga 40 për qind në 13 për qind. I njëjti autor, vijon më tej argumentimin, se ekspozimi në diell mund ketë ndikuar pozitivisht edhe në aktivizimin e vitaminës D, që ndonëse atëherë nuk njihej, ka efekte pozitive.

Më Shumë

Ilir Cakaj emërohet Administrator i Gjykatës Themelore në Prizren

Këshilli Gjyqësor i Kosovës (KGjK), në mbledhjen e mbajtur më 5 shtator 2025, ka miratuar rekomandimin e Komisionit vlerësues dhe me 10 vota unanime...

Arrestohet një person në Suharekë, postoi foto me armë

Një person në Suharekë ka rënë në prangat e policisë pasi që i njëjti në rrjete sociale kishte postuar foto me armë. Sipas raportit 24...

Lajmet e Fundit