Skender Berisha
Si zemër vizatohet portreti yt
nën një re ku depërton ylberi
kam drejtuar shikimin në veri
sa afër më vie një njeri sikur ti
ngjyra bukurie e atje në korie
prap si zemër e ngjyer dashurie
afër e më afër avitet dridhshëm
ma ofron atë çast të dikurshëm
hidhej përpjetë ai shtat i hedhur
rrëmbyer nga ai mall i mbledhur
kur ndien edhe nuk din ç’ndien
flet afshi i zënë në leqe dashurie
hiç nuk ka dert se gjethet bien
tash ta dua atë të moçme hijen
që më fanitet sysh të buhavitur
një fije gaz endet i patronditur
23 mars 2017,Prizren