Shumë shtetas të Kosovës ëndërrojnë një jetë jashtë shtetit të tyre.Një ndër katër kosovarë kërkon të lëshojë vendin. Ky është rezultati i një ankete publikuar nga Instituti për Studime Juridike dhe Politike.
Arsyet kryesore të numrit kaq të madh të personave që duan tëikin jashtë shtetit janë arsyetekonomike, sistemi shkollor që nuk garanton punësim, krimi, korrupsioni, pamundësia për të lëvizur lirshëm në shtete të tjera, etj.
Megjithatë, ekzistojnë edhe arsye të tjera përse ka një numër kaq të madh personash që kërkojnë të ikin nga vendi.
“Ekzistojnë edhe disa arsye tjera që kryesisht kanë të bëjnë me njohuritë e qytetarëve, sidomos të kësaj moshe, me atë se çka ofron Bashkimi Evropian, apo çfarë sot ofron Evropa për qytetarët e Kosovës. Dhe, shumica e qytetarëve mendojnë se ende kosovarët mund të kenë, apo të fitojnë azil ekonomik apo politik në vendet e Bashkimit Evropian “, tha Dren Doli nga ISJP-ja për Rel.
Edhe Agjencia për Zhvillim Ndërkombëtar e Shteteve të Bashkuara ka vlerësuar se dëshira e qytetarëve të Kosovës që duan të migrojnë arrin në masën 25 % dhearsyet janë kryesisht ekonomike.