Enver Sulaj
Endesh gëzueshëm pllajave të blerta
pa kuptuar dredhinë e magjisë së shtirur
që të varet në buzë
si re e tërbuar në qiellin pafund.
Është stinë e bukur kjo për lulet
për afshin e tokës e avullin
që zgjohet mëngjeseve pranverore
si fresk e si zjarrmi
në trurin e zgjuar nga tingëllimat e këndshme
të natyrës që krijoi gjithçka me ëmbëlsi
bashkë me ëndrrën që ta shoh në sy.