Paqja Studentore, si pjesë e Parlamentit Studentore, mbështet rektorin e ri të Universitetit të Prishtinës “Hasan Prishtina”, Ramadan Zejnullahu, duke u distancuar nga kërkesa e Parlamentit Studentor që i është dorëzuar Agjensionit Kundër Korrupsionit për shqyrtimin e emërimit të Rektorit nga Këshilli Drejtues i UP-së në mënyrë të jashtëligjshme ngase në votim ka marrë pjesë baxhanaku i Rektorit.
“Kërkesa e Parlamentit të Studentëve nuk është kërkesë e mirëfilltë e studentëve dhe as e të gjitha organizatave studentore të cilat janë pjesë e Parlamentit të Studentëve, ngase ne si organizatë studentore nuk jemi ftuar në mbledhje të këtij organi i cili përfaqëson studentët, dhe çdo vendim apo kërkesë të Parlamentit të Studentëve ne nuk do tapranojmë dhe fuqishëm do ta kundërshtojmë”, shkruhet ne reagimin për medie të Paqes studentore.
Ata ftojnë Këshillin Drejtues të Universitetit të mos bie pre e këtyre thirrjeve dhe kërkesave, të cilat sipas tyre, vijnë në emër tëParlamentit të Studentëve, ngase këto janë “thirrje të disa individëve dhe grupeve të caktuara, të cilët vazhdojnë të abuzojnë e përfitojnë duke u thirrur në emër të studentëve”.