24.4 C
Prizren
E hënë, 7 Korrik, 2025

Studimi në ShBA: ‘Moderna’, më efektive sesa ‘Pfizer-BioNTech’ ndaj ‘Deltës’

Një studim i bërë në Shtetet e Bashkuara të Amerikës tregoi që vaksina Moderna është më efektive sesa vaksina Pfizer- BioNTech ndaj variantit Delta të Covid-19, i cili është varianti më i transmetueshëm.

Të dyja vaksinat ishin shumë efektive ndaj versionit tradicional të Covid-19 me një efektivitet prej 90% pas marrjes së dy dozave. Studimi i kryer nga Mayo Clinic tregon se me hyrjen e variantit Delta, i cili u shfaq për herë të parë në Indi, efektiviteti i vaksinave u ul.

Kështu që sipas studimit vaksina Pfizer- BioNTech ra në një efektivitet prej 42% ndaj variantit Delta ndërsa Moderna është 76% efektive ndaj këtij varianti.

Studimi mori për kampion rreth 50 mijë pacientë. Nuk dihet saktësisht çfarë e ka shkaktuar këtë rënie të efektivitetit të vaksinave. Izraeli që ka vaksinuar shumicën e popullsisë me vaksinën Pfizer- BioNTech ka vendosur që personat mbi 60-vjeç të marrin një dozë të tretë. Edhe vende të tjera po marrin në konsideratë dhënien e një doze të tretë.

Shumë vende nga e gjithë bota po përballen me një valë të re infektimesh të shkaktuar nga varianti Delta. Së fundmi Koreja e Jugut, Gjermania, SHBA raportuan shifra të larta infektimesh. Varianti Delta është konfirmuar edhe në vendin tonë dhe prej disa ditësh ka një shtim të rasteve të reja.

Më Shumë

DokuFest po vjen – a është gati Prizreni për fluksin e turistëve

Një nga festivalet më të vjetra dhe më të njohura në rajon, Dokufest, do të rikthehet këtë verë me edicionin e tij të 24-të. Producentja...

Njëri e theri me thikë e tjetri i ndihmoi ta fsheh veprën, aktakuzë ndaj dy personave në Prizren

Prokuroria Themelore në Prizren, Departamenti i Krimeve të Rënda, ka ngritur aktakuzë kundër të pandehurit E.K., për shkak të dyshimit të bazuar mirë se...

Lajmet e Fundit