Samir Bytyqi, anëntar i Këshillit të Përgjithshëm të AAK-së në qendër dhe anëtar i kryesisë së AAK-së në Suharekë, si dhe eksperti Besmir Gegaj, specialist i Reumatologjisë në Suharekë, i janë bashkuar sot Partisë Demokratike të Kosovës.
Ata i ka pritur të shtunën lideri i PDK-së, Kadri Veseli i cili iu ka dëshiruar mirëseardhje dhe u ka ofruar bashkëpunim të plotë në rrugëtimin e përbashkët politik në Dekadën e Re.
Samir Bytyqi është Specialist i Oftamologjise dhe Asistent në Fakultetin e Mjekësisë. Ai është bashkëshort i asambleistes më të votuar të AAK-së në Suharekë, e cila pritet po ashtu t’i bashkohet PDK-së në ditët në vijim.
Ndërsa, Besmir Gegaj është specialist i Reumatologjisë në Suharekë.
Partisë Demokratike të Kosovës nëpërmjet një komunikate thotë se që nga fillimi i procesit të brendshëm zgjedhor e deri tani i janë bashkuar mijëra mbështetës të rinj të profileve e profesioneve të ndryshme për të dhënë kontributin e tyre për jetësimin e vizionit të kryetarit Kadri Veseli në Dekadën e Re./KosovaPress/