Ka dështuar të mbahet seanca e shqyrtimit gjyqësor në rastin ku i akuzuari Xhelal Seferaj, po akuzohet se Leotrim Behlulajt i ka shkaktuar lëndim të lehtë trupor.
Pavarësisht që ndaj të akuzuarit Seferaj është lëshuar urdhërarrest, Policia e Kosovës të njëjtin nuk kan mundur ta ekzekutojnë.
Në mungesë të kushteve ligjore për mbajtjen e seancës, gjyqtari Robert Tunaj, në praninë e prokurorit Shahadin Destani, e ka shtyrë seancën e sotme, ndërsa seancën e radhës e ka caktuar më 29 Mars 2021 në ora 10:00.
Ndryshe, sipas aktakuzës së Prokurorisë Themelore në Prizren, i pandehuri Xhelal Seferaj akuzohet se më 4 korrik 2019, në fshatin Gjinoc, Komuna e Suharekës, me qëllim që t’i shkaktoj lëndime trupore e sulmon fizikisht të dëmtarin- të pandehurin Leotrim Behlulaj, ashtuqë si rrjedhojë e një mosmarrëveshje paraprake që kishin rreth një rruge, derisa i dëmtuari- i pandehuri Leotrim ishte duke udhëtuar me veturë së bashku me disa familjarë të tij, i afrohet të njëjtit dhe më pas e godet me grushta në hundë, duke i shkaktuar lëndime të lehta trupore.
Me këto veprime akuzohet se ka kryer veprën penale “lëndim i lehtë trupor” nga neni 185 paragrafi 1 i Kodit Penal. /BetimipërDrejtësi