Rreth 50 ari fushë si dhe një vresht e pa punuar janë djegur gjatë së dielës në fshatin Samadraxhë të Suharekës.
Policia e Kosovës ka njoftuar se kjo gjë dyshohet të ketë ndodhur, pasi një burrë derisa ka qenë duke punuar në arat e tij ka bërë ndezjen e një zjarri për t’i djegur disa mbeturina dhe për një moment zjarri është përhapur më tej.
Sipas njoftimit, zjarrfikësit kanë arritur ta shuajnë zjarrin.
“Në konsultim me prokurorin kujdestar është inicuar rasti dhe procedohet në procedurë të rregullt” është thënë në njoftim.
Rasti raportohet të ketë ndodhur dje, rreth orës 13:30.