Publicisti Veton Surroi, ka reaguar pas burgosjes së djesme gjatë protestës para Rektoratit të UP-së, të drejtorit të KIPRED-it, Ilir Deda dhe anëtarit të Lëvizjes Vetëvendosje, Yll Hoxha.
Ai thotë se t’i arrestosh ata dy për prishje të rendit dhe qetësisë publike, është sikur për këtë gjë t’i arrestosh fëmijët e çerdhes.
“Pushteti, i cili sot burgos Yll Hoxhën dhe Ilir Dedën për “sulm ndaj personit zyrtar me pasoja të rënda” do t’i burgos nesër fëmijët e çerdheve për “prishje të rendit dhe qetësisë publike””, ka shkruar Surroi në profilin e tij në Facebook.