Pas një fillimi të vështirë, Jesús Joaquín Fernández Sáez de la Torre, i cili njihet nga të gjithë me emrin Suso, ka filluar të bëjë paraqitje bindëse.
Asiste, gola dhe grumbullimi me kombëtaren si një shpërblim i drejtë për formën e gjetur. Në një intervistë të dhënë për “Marca”, sulmuesi i Milan-it dhe Spanjës, ka folur për momentin e tij dhe të dy trajnerëve, të cilët nuk bëjnë dot pa të në këtë moment.
KOMBËTARJA – Në lidhje me paraqitjen e mirë të bërë në ndeshjen e fundit të Spanjës: “Ata që më njohin e dinë se çfarë mund dhe nuk mund të bëj, cilat janë pikat e mia të forta dhe defektet e mia. Mendoj se në Kardif është parë ajo që mund t’i jap kombëtares. Është një ëndërr për mua të jem këtu, Spanja është një nga përfaqësueset më të mira në botë, e konsideroj një vlerësim të jashtëzakonshëm. Nuk ka shumë ndryshim mes Luis Enrique dhe Gattuso-s, kanë ide të ngjashme. Edhe Milan do të ketë zotërimin e topit, për të sulmuar më pas nga krahët”.