Kryeprokurori i Prokurorisë Themelore në Prizren, Sylë Hoxhaj, nuk pajtohet me konstatimin se Prizreni është shndërruar në kryeqytet të fajdeve.
“Nuk qëndron konstatimi se kryeqyteti i fajdeve është Prizreni”, thotë Hoxhaj për TV Besa.
Sipas tij, institucioni që drejton ka shënuar rezultate në luftimin e këtij fenomeni.
“Prokuroria në Prizren është ndër të parat që ka punuar më së shumti në luftimin e këtij fenomeni.
“Nuk është çrrënjos ky fenomen, por kemi pasur rezultate konkrete”.
Ai tregon se Prokuroria gjatë këtij viti ka ngritur aktakuza ndaj individëve që janë marrë me fenomenin e fajdeve.
“Ne jemi të përkushtuar që të luftojmë këtë fenomen”.
Hekuran Morina është viktima e fundit e fajdeve. Ai u vra nga Bernard Përlazri./PrizrenPress.com/