Pasditën e së mërkurës përdorusit e shërbimeve të Telekomit të Kosovës nuk kanë mundur ta shfrytëzojnë internetin 4G.
Kjo si pasojë e disa problemeve teknike me të cilat është ballafaqur Telekomi i Kosovës.
Në një sqarim për opinionin publik, Telekomi i Kosovës, ka sqaruar se ky problem është përtej tyre dhe se gjatë gjithë kohës ekipet teknike kanë punuar për ta evituar këtë problem.
“Telekomi i Kosovës, por edhe operatorë të tjerë në vend, janë ballafaquar pasditën e sotme me probleme teknike që kanë shkaktuar mungesë të internetit. Ky problem është përtej Telekomit të Kosovës dhe si i tillë është trajtuar më orë të tëra nga ekipet teknike”, thuhet në njoftimin e Telekomit të Kosovës.
Me tutje Telekomi i Kosovës në sqarimin e tyre thekson, ekipet teknike kanë gjetur një zgjidhje.
“Tashmë ekipet teknike kanë gjetur një zgjidhje për të rikthyer shërbimin e internetit dhe sistemi ka filluar të normalizohet. Ndërkohë voice, apo thirrjet me zë janë zhvilluar pa asnjë telash. Telekomi i Kosovës ju kërkon mirëkuptim të gjithë konsumatorëve për këtë problem të shkaktuar jashtë telekomit e që ka afektuar gjithë konsumatorët e VALA-s”, theksohet në njoftim.