Policia njofton se ka iniciuar rast ndaj E.B, e dyshuar për vjedhje në tentativë në Prizren.
Lajmi u bë i ditur përmes një njoftimi për medie nga policia, ku thuhet se të enjten, policia kishte pranuar një informatë se në rrugën “Osman Rexhepi” në Prizren, në orën 21:55, viktima ka deklaruar se në podrumin e shtëpisë së tij kishte hasur një person të gjinisë femërore.
“Pas pranimit të informacionit, në lidhje me ketë rast, reagimi policor ishte i menjëhershëm duke arritur të identifikohet personi i dyshuar: E. B., e datëlindjes 1986 f/r/k”, thuhet në njoftim.
Policia njofton se e dyshuara është shoqëruar në Stacionin Policor në Prizren, ku është intervistuar lidhur me rastin dhe në konsultim me prokurorin kujdestar, rasti është hapur i cilësuar si: “Vjedhje në Tentativë”.
Bëhet e ditur se e dyshuara është liruar në procedurë të rregullt dhe rasti është nën hetime. /BetimipërDrejtësi