18.8 C
Prizren
E martë, 16 Prill, 2024

Tetova nga 2-6 dhjetor ‘kryeqytet’ i teatrove shqiptare

Festivali i teatrit te TetovesMë 2 deri më dhjetor në Tetovë do të nisë edicioni i dytë i Festivalit Ndërkombëtar të Teatrove. Në këtë edicion do të prezantohen 6 shfaqje që vijnë nga teatrot shqiptare të Kosovës, Shqipërisë dhe Maqedonisë.

Menaxheri i marketingut në Teatrin e Tetovës, Arben Thaçi ka deklaruar për KultPlus se festivali nuk ka karakter garues. Sipas tij qëllimi i organizimit të kësaj ngjarjeje kulturore është prezantimi i krijimtarisë së Teatrove Kombëtare.Thaçi shtoi shfaqjet pjesëmarrëse që do të paraqiten para publikut tetovar për 6 netë radhazi, janë selektuar nga aktori i njohur Bajrush Mjaku dhe se kriter ka qenë prezantimi i suksesshëm i tyre para publikut në vendet prej nga vijnë. Sipas tij në këtë edicion do të ketë edhe shfaqje nga teatrot alternative.

“Edicioni i sivjetmë do të sjellë më shumë shfaqje cilësore se ai i vitit të kaluar dhe se kjo është ndër veçoritë kryesore që e dallon këtë festival prej edicionit të parë, ka shtuar për KultPlus menaxheri i marketingut në Teatrin e Tetovës, Arben Thaçi.Festivalin do ta hapë shfaqja e Teatrit Shqiptar nga Shkupi “Gjenerali i ushtrisë së vdekur”, në regji të Dino Mustafiqit, për të vazhduar në natën e dytë me projektin teatror të Qendrës Multimedia nga Prishtina “Fluturimi mbi teatrin e Kosovës” në regji të Blerta Nezirajt. Në këtë edicion do të prezantohet edhe shfaqja mjaftë e suksesshme e Teatrit Kombëtar Shqiptar “Edipi Mbret” me regji të Ilir Bokshit. Publiku tetovas do të ketë rastin të shoh edhe “Mbas zonjushës Julie“ të Teatrit Kombëtar të Kosovës e me regji të Kushtrim Koliqit, pastaj shfaqjen alternative “Extreme Makeover II-Culture Clash” nga Albania Dance Theater”. Festivali do të përmbyllet më 6 dhjetor me Trupën e Teatrit Migjeni nga Shkodra e cilado të luaj në shfaqjen “Provat gjenerale të një vdekjeje të paralajmëruar” me autor dhe regjisor Stefan Çapalikun.

Edicioni i dytë i Festivalit Ndërkombëtar të Teatrove organizohet nga Teatri i Tetovës ndërsa financohet nga Ministria e Kulturës e Republikës së Maqedonisë.

Më Shumë

Lumbardhi dhe Kaderi shkojnë ta shohin Vedat Muriqin në stërvitje të Mallorcas

Çifti Lumbardh Salihu dhe Kader Kicaj prej disa ditësh ndodhen në Spanjë. Përveç kohës së mirë që po kalojnë së bashku, ata janë përfshirë edhe...

Gjobiten dy kundërvajtës në Suharekë me nga 500 euro për shkak të garave të shpejtësisë (FOTO)

Sot në fshatin Shirokë të Suharekës, patrullat e policisë kanë kapur në flagrancë dy shoferë, të cilët ishin duke garuar me automjetet e tyre. Bëhet...

Lajmet e Fundit