Ministri i Punëve të Jashtme, Hashim Thaçi me rastin e 45 vjetorit të Universitetit të Prishtinës “Hasan Prishtina” ka thënë se, ky universitet i zgjon nostalgji.
“Duke qenë i vetëdijshëm për të gjitha sfidat jo të lehta me të cilat përballet sot në kohë tranzicioni, jam i sigurt se Universiteti i Prishtinës “Hasan Prishtina” do ta rrisë cilësinë në të gjitha segmente duke mëtuar të luan rol edhe në zhvillimin ekonomik të vendit”, ka shkruar Thaçi në Facebook.
Postim i plotë:
Universiteti i Prishtinës “Hasan Prishtina” i bëri 45 vjet! Uroj të mësimdhënësit, studentët dhe të gjithë ata që dhanë gjithçka për themelimin dhe avancimin e kësaj vatre të dijes dhe rezistencës së qytetarëve tanë.
Universiteti i Prishtinës “Hasan Prishtina” më zgjon nostalgji marrë parasysh angazhimin tim aktiv si lider i lëvizjes studentore për tre vite, kur me shumë kolegë u organizuam për të shprehur pakënaqësinë ndaj shtypjes së popullit të Kosovës.
Duke qenë i vetëdijshëm për të gjitha sfidat jo të lehta me të cilat përballet sot në kohë tranzicioni, jam i sigurt se Universiteti i Prishtinës “Hasan Prishtina” do ta rrisë cilësinë në të gjitha segmente duke mëtuar të luan rol edhe në zhvillimin ekonomik të vendit. HTH