Zëvendëskryeministri dhe Ministri i Punëve të Jashtme të Kosovës Hashim Thaçi tha se Kosova për një veto të Rusisë nuk është anëtare e OKB-së, dhe një gjë e tillë sipas tij është e padrejtë. Kështu ka thënë Thaçi, në një intervistë për RTV21.
“Është padrejtësi e madhe që për shkak të një veto të Rusisë të mos jemi anëtar të Organizatës së Kombeve të Bashkuara”, tha ndër tjera Thaçi duke folur për mbledhjen e djeshme të Këshillit të Sigurisë.
Sipas tij viti 2015, do të jetë i rëndësishëm për Kosovën.
“Ketë vit do të aplikojmë për tu anëtarësuar në Këshillin e Evropës, do të nënshkruajmë marrëveshjen e stabilizim-asocimit gjashtëmujorin e parë të këtij viti, dhe do të kemi edhe vendimin e Bashkimit Evropian në procesin e liberalizimit të vizave të qytetareve të Republikës së Kosovës” tha ai.
